Ñembosarái kakuaagua.

Rally del Chaco.

Rally del Cháko ha’e ñembosarái mba'yruguata rehegua. Peteĩ ñembosarái hosãvévape guarã. Oiko hetave jave araraova opaichaguápe, haku, oky térã ambue mba’e jave. Tetã Paraguáipe rally ha’e mokõiha ñemboasarái rehegua tuichavéva, mangapykuaa rire fútbol, hetave tapicha omongu’éva, ha rally rehegua mba’e tuichavéva ha’e Trans-Chaco Rally, oikóva ary 1971 guive.

Tembiasakue.

Oñepyrũvo ko Trans-Chaco Rally, tetãmegua ñembosarái mba’yruguata rehegua tuichavéva, ojetjuhu peteĩ tendápe ha’éva ha’etéva mombe’upy. Oikomeme haguã ko mba’e heta mba’e ojejapo.Phillip Bell, ha’éva peteĩ Estados Unidos-gua,omba’apova’ekue ambue omba’apóva Corposana ndive (Corporación de Obras Sanitarias del Paraguay), oguereko ma’e mombyry ha ogueru pe hérava rally-raid Chaco-pe. Bell oikuaava’ekue rally ymave guare pe mba’e tuichavéva hérava Safari Rally Africano.Phillip Bell ovy’aiterei ohechávo yvy Chaco pegua ha umi jehechapyrã oĩva, mymba térã ka’avokuéra rehegua, ha he’i ikatuha oiko pépe ñembosarái mba’yruguata rehegua. Ha ndaikatúi rupi ojapo ha’eño, omoguahẽ hemiandu Touring y Automóvil Club Paraguayo-pe ary 1970 opávo. Ko temiandu Bell oguerekóva oguehẽ rire upépe, karaikuéra omyakãva Touring omboaje pe mba’e, upéi oñepyrũ jeho Chaco gotyo ojehecha haguã tapekuéra jasypoteĩ ary 1971 jave, upépe oikuaa ñepyrũ ikatuha ojejapo ko mba’e tendáre.Jasypokõi mbyte rupi pe arýpe oiko peteĩ aty ohova’erã Chaco gotyo. Oho mbohapy mba’yruguata ha pokõi tapicha omyakãva’ekue ingeniero Víctor Rubén Dumot; oho hendiveFrancisco Escanciano (Dunhill International pegua, oipytyvõva ko mba’épe), Darío González Palacios (camarógrafo). Ko’ã mbohapy oho peteĩ mbayruguatápe (pick-up Willys);Germán Russo (piloto y mecánico) ha Jorge Himmelreich (piloto, mecánico y traductor de alemán) peteĩ kombi VW-pe.Pe tape ojepurútava ñepyrũrã ha’e Transchaco (yvyreíva ipukukue) fortín hérava Nueva Asunción peve. Mokõihámegua tape katu oñepyrũ Nueva Asunción guive ha oho Mister Long ha Gabino Mendoza peve, hákatu upéi ko’ã tap’e ojepe’a jevy ivaieterei rupi, oguereko rupi yvyku’ivai hetáva tendáre. Upeicha rupi ojepuru peteĩ tape pyahu, ko’ãgameve, Pozo Olga guive Misión Santa Rosa peve ha upéi Mariscal Estigarribia. Mbohapyha tape puku ha’e jejevy Mariscal Estigarribia guive Paraguay peve Transchaco rupi.Ojehecha porã rire tapekuéra ha ikatuha ojejapo pépe, oñemoĩmakatu mba’e árapa oikóta ñepyrũrã Rally Chaco pegua rehegua: jasyporundy ary 1971 jave.Upéi oñepyrũ pe mba’e hasyvéva ha’éva pirapire rehegua, ha ko’ápe osẽ Francisco Escanciano, Dunhill International pegua (petỹ rehegua omba’apóva Inglaterra-gua) ko karai oipytyvõ mbareteva’ekue ko mba’épe, ha avei ome’ẽ jopói (estatuilla) umi osẽtava tenonde gotyo mbohapy tape oñuakãre térã po tape pa’ũmeguáva. Pe ta’aga’i ojejapo itatĩgui ha oguereko itaju, ko’ãgameve oĩ gueteri Touring-pe, ha ha’e mba’e ojehecharamovéva äga.

Vakapipopo (Jetepyso)

Vakapipopo herava avei Húvol (Inglyesñe'ẽgui: Football) ha Apu'apopo Ñembosarái, (herava soccer EE.UU.pe) ha'e peteĩ aty poravopyre jetepyso oñembosaráiva 11 ha'ãrakuera mayma aty poravopyre-pe ha 4 yvyrajárakuera. Pe hupytypyrã ha'e mongu'e peteĩ apu'apopo ñu ñembosarài rupi, mohenda hag̃ua tu'ãme ipype jovái, tembiapo herava Gol (Inglyesñe'ẽgui: Goal).FIFA ojapo irundyrundy ary, 1930 guive pe Húvol Tembiesarái Yvypavẽ herava avei Mundial de Fútbol.

Toro ñemoñarõ.

Og̃uahẽva ñandéve España-gui. Peteĩ ava ikamisa ha ikasõ po’íva, isa’y mokõivéva ha ipópe ao pehẽngue pytã omoñarõ hag̃ua tórope ha ipynandi.

Torin apo.

Plaza-pe ojejapo kora oguerekóva 20 m x 2,5 m apu’akue ha 3m ijyvatekuépe oñemongora karanda’y ha alambre rehe, oguereko brete po’i opáva tranquera rehe oikeha rupi toro ñarõ opyta hag̃ua corral – pe, oike aja torin – hápe. Yvate ojejapo oguapy hag̃ua oguerekóva ogahoja’imi, takuara ha pindo roguégui oñepyrũma toro ñemoñarõ.

Kavaju ñani.

Ko ñembosarái avei ojehecha upe árape Plaza-pe. Mokõi kavaju oñeñangarekóva upeva’erã ha ojeheróva parejero. Kavajukuéra oñemongaru, oñemboguata, oñani ipya’e hag̃uaicha, oñembojahu, oñeñangareko haguére, oke óga guýpe ani hag̃ua he’õ térã oipeju ichupe yvytu ro’ysã. Pe oñangarekóva héra compositor, iñarandúva’ekue upévape ohecháguinte, pytyvõháraramo itúvagui térã itaita, ipaino téra oimeraẽ ipehẽnguekuéragui.